Edukazzjoni, Xjenza u Teknoloġija

L-għan tal-Catch-Up Classes Programme - Sajf u Xitwa huwa li jgħin lill-istudenti li jeħtieġu ftit aktar għajnuna u reviżjoni fl-istudji tagħhom. Dan il-programm jagħti ukoll opportunità ta’ reviżjoni lil dawk li jixtiequ jirrevedu u jħossuhom aktar kunfidenti matul is-sena skolastika. Il-programm huwa maħsub għall-istudenti mill-1 sal-10 sena u huwa miftuħ għall-istudenti kollha ta’ Malta u Għawdex. 

Il-Catch-Up Classes jipprovdu opportunità ta’ reviżjoni fis-suġġetti ewlenin li jkunu saru matul is-sena skolastika preċedenti. Dawn il-lezzjonijiet qed jiġu provduti u mgħallma minn għalliema kwalifikati lill-istudenti kollha fi gruppi żgħar kemm f’livell primarju kif ukoll f’dak sekondarju.

L-iskola sekondarja Ogħla Giovanni Curmi hija waħda mis-6th forms ewlenin f’Malta. L-iskola toffri tagħlim post-sekondarji lil studenti li jkunu spiċċaw l-edukazzjoni obbligatorja u li jkunu jixtiequ jibqgħu mexjin fil-vjaġġ edukattiv tagħhom sabiex jistudjaw suġġetti fil-livell Avvanzat u Intermedju. Barra minn hekk noffru ukoll il-kors tal-Gem16+ lil dawk li ma jkunu ġabu biżżejjed kwalifiċi fil-livell 3 bi programm speċjaliżżat

Irtirar Temporanju jew Permanenti tal-Liċenzja għal dawk l-Iskejjel, Istituzzjonijiet Edukattivi jew Ċentri għall-Ħarsien tat-Tfal li jikkonmfermaw.

Klabb 3-16 huwa servizz ta' kura wara l-ħin tal-iskola, għal tfal ta' bejn it-3 snin u s-16-il sena, li jattendu skejjel tal-Istat, tal-Knisja jew Indipendenti. Bħalissa is-servizz jingħata fi 39 lokalità u wieħed jista’ jagħżel l-iktar ċentru konvenjenti. Is-servizz huwa offrut mill-iskejjel primarji tal-istat,  mit-Tnejn sal-Ġimgħa matul is-sena skolastika. Il-ħin tas-servizz matul il-ġranet skolastiċi huma minn x’ħin tispiċċa l-iskola, sas-18.00. Is-sigħat użati jistgħu jiġu adattati għall-bżonnijiet tal-klijent, filwaqt li tiġi rispettata l-iskeda uffiċjali ta’ x’ħin wieħed jista’ jiġbor lit-tfal, kif maħruġa miċ-ċentru. Is-servizz jopera wkoll ġurnata sħiħa bejn is-07:00 u s-17:30 waqt il-vaganzi tal-iskola, skont id-domanda.

Dawn il-Klassijiet ta’ Reviżjoni tas-SEC huma organizzati għaż-żgħażagħ bejn l-etajiet ta’ 15 u 29 

sena li se jagħmlu l-eżamijiet ta’ resit tas-SEC f’Settembru 2026 (Livell Ordinarju) fis-suġġetti li ġejjin: 

il-Bijoloġija, il-Fiżika, il-Matematika, il-Malti u l-Ingliż.

L-istudenti jistgħu jagħżlu sa 3 suġġetti (li tinkludi għażla ta’ suġġett wieħed tax-xjenza) jekk ġabu l-marka 6 jew inqas f’iżjed minn suġġett wieħed.

Reviżjoni tal-Liċenzja għal dawk l-Iskejjel, Istituzzjonijiet Edukattivi jew Ċentri għall-Ħarsien tat-Tfal li ser jagħmlu tibdil fil-kundizzjoni/jiet tal-liċenzja